أحلى النكت
1_واحد مبوق وصل حدا البوطو ديال الضو وبدا يدق يدق
يدق، يصحاب ليه واش دارهم جا عندو واحد آخر مبوق
أكثرمنو ، قال ليه: أشنو كدير أصاحبي؟
قال ليه المبوق اللول : كندق على دارنا وحتى واحد ما حل ليا
طلع المبوق لاخور راسو وهو يقول لصاحبو: إيوا العجب راهم مشاعلين الضو زعما
2_واحد الدري مودة هادي ماشاف واحد صاحبو قال والله
حتا نمشي نسول عليه مشا لدار دياهم دق دق خرجات مو سولها قالت ليه اولدي من
داك النهار سخرناه يجيب اللحم مارجاعش قال ليها و شنو درتو؟؟ قالت ليه
الدجاج
3_هادي واحد الدجاجة دصر عليها واحد الثعلب مشات
عند راجلها الفروج قالت ليه انا الثعلب دصر عليها ما عجبوش الحال قالها
هاني غادي نفرعو و نوريه الشغال .منين كان راجع شافتو مريش قالتيه مالك
الراجل فين الريش ديالك قالها غير نصلت عليه الجاكيتة و هو يهرب
4_هدا واحد الدري قال للوالدة ديالوا "جمعي
النشير الواليدة راه الشتا غادي طيح " قالت ليه "سير أولدي راك غير
محشش" منين طاحت الشتا بصح قالت ليه"كيفاش عرفتيها أ ولدي " قال ليها
"مالنا كانكميو الحرتوك الواليدة ؟
5_قاليك هاذي وحدة خآآيبة بغات تعوم مشات ;عند
راجلها قالتليه راني بغيت نعوم .. خاصك تصوب ليا الشرجم " الشباك" ديال
الحمام; خايفة لجارنا يشوفني .. وهو يقولهاغير سيري ملي غايشوفك هوغادي يجي
يصاوب الشرجم
6_واحد سول صاحبو: أشنو سمية رونالدينو؟ قال ليه: سميتو صالح سولو صاحبو: وكيفاش عرفتيها؟ قال ليه: سمعت المديع ف الماتش قال خطأ لصالح رونالدينو
7_قاليك هدا واحد الطالياني مشا بغا يشري
المخاخ مهم مشا لواحد السوق كيسمع مخ ديال ميريكاني 10 دراهم 10 دراهم
زاد شوية او هو يسمع مخ ديال شينوي 10 دراهم 10 دراهم زاد واحد الشوية
او هو يسمع مخ ديال مغريبي 100 درهم او هو يتعجب قال الله حتى نسول نعرف
علاش داير 100 درهم او هو يقول لمولاهم :خويا علاش مخ ديال مغريبي داير 100 درهم قالو مول المخاخ :أخويا راه كانهارسو 20 تال 30 راس يالاه كانلقاو مخ داكشي باش غالين
8_واااحد الجمعية كاانت داايرة محااربة السعااية او الطلبة ...كاانو يضورو ف الزناقي شوية تلاقاو واحد المرة طلابة قالولها ايلا عطيناك 100 مليوون شنو غدا تديري بيها قاتليهم غدا نبني جااامع و نطلب فيه غير بوحدي
9_الفروج قال للدجاجة: أشنو الفايدة فلي كيبيض البيض للناس باش ياكلوه؟
قالت ليه الدجاجة: إيوا بعدا حسن من اللي كيودن وما كيصليش
10_واحد سكران وفجيبو فار تاهوا سكران... جاي كيغوت فالدرب.. واحد لمرا طلات عليه قالت ليه هانعيط لمك على لحناش... الفار خرج هوا يقول لها عيطي تاعلا لمشاش
11_هدا واحد الدري مشى عند درية أ سولها أشنو سميتكقالت ليه fati fleur (فاطمة الزهراء)قالت ليه و انت قال ليها le pere de vendredi (بوجمعة )
12_هدا واحد البناي بغا يضحك على صاحبوا خلاه حتى دخل المرحاض وبنا عليه الحايط
13_قالك هدا واحد الراجل كان معاه كلبة كانيش وهو يقوليه واحد صاحبوا
مكلخ منين جبتيه قالوا خدمتوا(يعني سرقتوا) مشى لمكلخ على نيتوا وهو يجيب
ليه خنشة ديال الصوف وقال الله يحفظك لما اخدم ليا 2 كانيشات واللي شاط
صاوب ليا بيه مشة
14_جوج كلاب واحد مغربي واحد فرنساوي تبادلو الكلب
المغربي مشا لفرانسا والكلب الفرانسوي مشا المغرب من بعد اتلاقاو الكلب
لمغربي تيحكي والله فاش كنت في فرانسا كنت بيخير واكل اللحم شارب هاني فاش
لحك دور الفرنساوي كاليه أنا أصاحبي ماعمري حسيت براسي كلب حتى جيت المغرب.
15_هدا واحد الاستاذ سول التلاميذ شنو هي النجمة بالفرنسية واحد
التلميذ عرفها ولكن هو حشومي قالها لصاحبو الكسول ذاك الكسول قال للاستاذ "
ليطوال " الاستاذ تعجب او قاليه ركبها في جملة ، جاوب الكسول : اللي طوال
ارجعو اللور و اللي قصار ايزيدو لقدام
16_واحد الرجل سوّل مرتو: شحال من عام باش تزوّجنا؟
جاوباتو: 25 عـــــــــــــــام ڭال ليها: كون قتلتك كون دابا خرجت من الحبس .
17_قاليك هدي واحد لمرا فيها بزاف ديال لكذوب ماخلاو مادارو معاها
والو فيها لكدوب المهم اتفقوا إيصيفتوها للحج باش ماتبقاش تكذب مين رجعات
قاليها ولدها إيوا الوالدة كيف كانت الرحلة قالت ليه إيوا أولدي آش غنقول
ليك ربي احفضنا و صاف قاليها كيفاش قالت ليه مين وصلات بنا الطيارة لسما
الفوق وهي توقف بنا ف وسط السما لوكان ماشي واحد 4 صحاح نزلو دفعو بنا تا ديمارات كون بقينا تما
18_واحد السعاي مشى عند واحد مول فران مسموم
قال ليه: خويا، سيمانة هادي ما دقت الخبزقال ليه مول الفران المسموم:
راه مداقو هو هو، ما تبدلش
19_هدا واحد الراجل كان غادي ف الطريق وهو
يبزق عليه واحد الطير شاف البزق و قال: حمدتك يا ربي مني ما عطيتيش
للبقر الجناوح
19_واحد سول شيخ إيلا شفت اسد وانت كتصلى تكمل ؟
قالو إيلا بقيت على وضوئي نكمل
20_واحد
بغى يسافر هو أُ الحمار ديالو ... مشى عند مول الكار قلو شحل تديني أنا
وحماري ..
جاوبو : تينا 50 درهم و الحمار ب 10 درهم ..
وهو يعطيه 50 درهم أُ قَََولو : وَ قْطَعْ 2 ديال لحمير.
21_واحد
دخل لحديقة الحيوانات وهو يدخّل راسو فلقفص ديال السبع، الحارس جا كايجري
وقاليه: وا تا أشنو كاتدير ألمسطي ؟؟؟؟
قاله : وا غير بشوية أصحبي وا تا مالنا غادي ناكلوه.
22_هادا واحد طلع للطوبيس وشاف واحد البنت جالسة وعجباتو. ضحك ليها وضحكات ليه. غمز ليها وغمزات ليه. مشى عندها قال ليها نزلي ف البلاكة الجاية. هي نزلات وهو جلس ف بلاصتها.
23_هادا واحد كيعقل بزاف، تلاقى مع واحد صاحبو، سولو صاحبو: باش تغديتي؟ قال ليه: بالحوت. ومن بعد عام، تلاقى بهاداك صاحبو نيت وهو يسولو: وا كي داير؟ جاوبو: مقلي
24_واحد قال لابنه روح شو ف النتيجة إذا نجحت سأذبح لك خروف... لما رجع قاله ماذا عملت يا ابنى ؟ قال له كتب الله للخروف عمرا جديد
25_واحد الراجل قال لمراتو: وجدي راسك اليوم غادي نتعشاو برا ملي رجع للدار فالعشية، لقاها حطات المائدة فالزنقة
26_واحد دائماسامر على وحدة..تيظل النهار كامل واقف تيتسناها تخرج تدي الخبز
للفران.. واحد النهار مبانتش ليه وخا هكاك بقى سامرعليها.. طلت امها وهو
يبان ليها وهي تقول ليه:وسير أولدي إلى عندك شي شغل قضيه اليوم راحنا
مفورين.. (عاملين كسكس)
27_قال الاستاد لدري اش كتحلم دير... الدري: كنحلم نشد 10000 درهم فالشهر بحال
الوالد... الاستاد :علاش باك كايشدهم... الدري: لا تاهوا غير كايحلم
28_قاليك هدا واحد المكلخ كيسمع الدار بيضاء راه فيها الفلوس غير مشتين و كل الناس لاباس عليهم و هو يبيع دارو و البهايم و طلق مراتو و شاد الكار و جا الدار البيضاء غير وصل المحطة ونزل من الكار و هو يلقا 200 درهم طيحة و هو يدفعها برجليه و قال تفو
على فال كيف داير شلا باش بديت.
29_هادا واحد راجل كايمشي لقهوة مين كيبغي ينوض كايرمي على ڭارسون 50 دريال مسرفة ريالات. ولڭارسون مسكين كيبدا يجمع وعيا، وكايتسنا غير فوقاش يفدي دكشي.واحد نهار عطاليه 100دريال مجموعة. هوا فرح وردلو صرف 50ريال ريالات ورماها. هوا يقوليه دك راجل : زدني عافاك شقهوة خرا.
30_قاليك هادي واحد المراة دايرة سنسلة فيها طيارة اوكان حادي
ليها واحد راجل سدرها اوهي تقولوليه عجباتك طيارة قاليها لا عجبني المطار.
أنتظر التشجيع
