السلام عليكم ورحمة الله تعالى وبركاته
اليوم ساقدم لكم نكت مغريبية خطيرة جدا ستضحك حتى الموت................
1-لقى 4000 ريال
واحد المكلخ كان غادي ولقى 4000 ريال وهو يبدا كيفكر
غادي نعطي 1000 للوالد كايتسالها ليا
و1000 للوالدة كاتسالها ليا
و 2000 اللي كايسالني مول الحانوت
وهو يقول اش غادي يبقى ليا !!!
و الله لا هزيتها
2-حزام السلامة
قررت شرطة المرور تكافئ كل واحد داير حزام السلامة
لقاو واحد مبوق سايق طوموبيلتو وداير الحزام، وعطاوه 2000 درهم
وسولوه: أشنو غادي تدير بهاد الفلوس؟؟
قال ليهم: نزيد عليهم ونمشي ندوز بيهم لبيرمي
3-المكلخين ف الجامعة
هادو رباعة ديال المكلخين ف الجامعة كيكتبوا داكشي اللي كيكتبه الأستاد ف السبورة. منين كيمسح الأستاد السبورة، كيقطعوا هوما الورقة
4-مكلخ شد الدكتوراة
هادا واحد معروفة عليه مكلخ شد الدكتوراة. مشى عند مرته قال ليها: أنا ما عرفتش علاش كلشي كيقول عليا مكلخ، إيوا هاني شديت الدكتوراة.
قالت ليه مرتة: دق على الخشب.
الراجل دق على الطبلة. و هي تقول مرته: شكون؟
قال ليها: جلسي نتيا، أنا نمشي نطل شكون
5-كلب ندمان
واحد الكلب دايع ف الزنقة داز حدا الكوميسارية و هو يبان ليه واحد شيان بوليس (كلب بوليسي) و هو يقول ف راسو: تفو! كون غير كملت قرايتي
6-تحاموا عليه
هادا واحد المكلخ حلم براسو تجمعو عليه رباعة ديال الدراري بغاو يسلخوه
الغد ليه، جمع صحابو كاملين وجابهوم ينعسوا معاه ف الدار
7-المضاربة
واحد سول صاحبو: باش سالات المضاربة ديالك البارح مع مراتك؟
جاوبو: جات عندي راكعة على ركابيها
وقالت ليا: خرج من تحت الناموسية أ الخواف
8-أيامات الشباب
واحد الشيباني قال لصاحبو: في أيامات الشباب، كانوا العيالات يجريو يتبعوني
قال ليه صاحبو: ودابا؟
قال ليه الشيباني: لا دابا صافي، عفى عليا الله من الشفرة ديال السيكان
9-لحق عاى التران
هادا واحد كيجري مورا التران، يطيح وينوض، يطيح وينوض
الناس كاملين اللي راكبين ف التران كيموتوا عليه بالضحك
ناض واحد طل عليه من الشرجم وقال ليه: وبركة أصاحبي، راه قتلتينا بالضحك
قال ليه هاداك الراجل: إيوا دابا تموتوا بالخلعة راه أنا الشيفور
10-عشرين بالمية
هادا واحد الولد جالس ف بلاكة الطوبيس كيكمي وحداه مرا شارفة
المرا عيات مسكينة من الدخان وقالت ليه: شوف أولدي، واش ف راسك نتا اللي كتكمي كتدي عشرين بالمية من النيكوتين وأنا اللي كنشم الدخان كندي تمانين بالمية؟
الولد بقى يشوف فيها، شوية وهو يمد ليها ڭارو وقال ليها: الحاجة، خودي نتي عشرين بالمية وعطيني أنا تمانين بالمية
11-محرم
سولو واحد المحشش : إيلا كان التدخين محرم، أش يكون الحشيش ؟؟
قال ليهوم : احتمال يكون ذو القعدة
12-بيمو ديال الدجاج
هادا واحد ضراتو كرشو ومشى عند الطبيب.
سولو الطبيب شنو كليتي؟
قال ليه: بيمو ديال الدجاج.
فاش قلبو لقاه واكل كنور
إوا دابا كل وااحد غيختار للي ضحكاتو مزيان................
