السلام عليكم و رحمة الله تعالى و بركاته
بسم الله نبدأ
واحد المكلخ كان غادي ولقى 4000 درهم وهو يبدا كيفكر
غادي نعطي 1000 للوالد كايتسالها ليا
و1000 نـ صاحبي محمد تاهو كايتسالها ليا
و 2000اللي كايسالني مول الحانوت
وهو يقول اش غادي يبقى ليا !!!
و الله لا هزيتها
واحد كيجري ورى قطار و يطيح وينوض ويطيح وينوض
الركاب كاملين كايموتو عليه بضحك
و واحد طل عليه النافذه قاله : صافي اصاحبي وراك قتيلتينا بالضحك
قال : دابا غدين تموتو بالخلعة رانا الشيفور يا اولاد الكلا ب هههه
هادا واحد الراجل دا ولدو للسوق باش يعلم ليه الألوان
ورا ليه ماطيشة وقال ليه: شوف أولدي، هادي ماطيشة وراها حمرة
واخا كتبان ليك صفرة، راه غير باقا خضرة
واحد لمرى سولات ولدها واش نتا عزيز على معلمة
قاليها :بزاف هي دائما كتقول لي نتى الوحيد لغادي تبقى معايا لعام الجاي
هدا واحد الراجل داز حدا قادوس هو يخرج ليه جنّ قال ليه شبيك لبيك لي بغيتيه نديرو ليك .هو يقول ليه الراجل :بغيت دار . هو الجن يقول ليه
:لقيتها حتّى لراسي ساكن في قادوس
و مازال هناك نكت اخرى كاتقتل بالضحك
وللحفاظ على سلامتكم حدفتها
