الاستاد ديال الفرنسية سول التلاميذ دياولو: أشنو هي النجمة بالفرنسية؟
واحد التلميذ عرفها ولكن حشومي، وقالها لصاحبو الكسول. داك الكسول هز صبعو وقال للاستاذ: ليطوال
L'étoile
تعجب الاستاذ من هاداك الكسول وقال ليه: ركبها في جملة مفيدة.
جاوبو الكسول: اللي طوال يرجعو اللور، واللي قصار يزيدو القدام
واحد الطلابة قالت لواحد المعلم: الله يرحم الوالدين عطيني باش نفرح الدراري
قال ليها: سيري قولي ليهوم راه ما كايناش القراية غدا
واحد مشى لواحد العرس و بدا ياكل ياكل ياكل حتى بغات كرشو طرطق
قالوا ليه: أدير صبعك ف فمك باش ترد
قال ليهم: كون بقات بلاصة فين ندير صبعي كون كليت مازال بنانة
المرا قالت لراجلها: دلعني!
قال ليها: انتي قمرة
قالت ليه: انت شمش
قال ليها: انتي لؤلؤ
قالت ليه: انت ألماس
قال ليها: انتي مشة
قالت ليه: انت كلب
قال ليها: انتي طااااااااااااااااااااالق
واحد المرا بغات تركب طاكسي وهي تسول مولاه: بشحال أولدي كتدي لحي المقاومة؟
قال ليها: 15 درهم
قالت ليه: والسيكان؟
قال ليها: السيكان فابور
قالت ليه: إيوا هاك أولدي دي ليا هاد السيكان هاني غادي نلحق بيك على رجلي
