السلام عليكم ورحمة الله وبركاته
انا اليوم اخترتلكم بعض النكت الجزائرية واتمنى تعجبكم
تفضلو:
مرة بنانة وبصلة يتقابضو قالت البنانة :انتي يا البصلة شريرة تحرقي الناس في عيونهم وتبكيهم. قالت البصلة : وانتي متحشميش تقلعي حوايجك قدام الناس
مرة واحد طول حياتو وهو ياكل في العدس غداء عشاء دايما عدس وكل ما ياكل ميقولش بسم الله امالا وحد النهار هو هز الملعقة ورح ياكل والشيطان قالو: على وجه ربي قول بسم الله راني كرهت العدس
مرة زوج شياطن قاعدين يتقابضوا جا شيطان ثالث قالهم: انعلو الشيطان
مرة زوج مراوات وحدة دايرة الحايك ووحدة دايرة العباية امالا لي دايرة العباية ضربت الي دايرة الحايك بيدها وهي ماشية( متولهتش) قالتلها مولاة الحايك : اتولهي يا الحازنة. ردت عليها مولاة العباية حازنة عليك يا المكفنة.
(ومن المعروف ان الحايك ابيض والعباية سوداء)
مرة دبانة (ذبابة) في مطعم جا مول المطعم وفشفش عليها الفليتوكس حسبتوعطر هزت يديها وقالتلو حطلي منا وزيد منا
ولا تنسو الردود
