الكوكب المراكشي
هادا واحد الاستاد سول التلاميد دياولو :ما هو أقرب كوكب إلى الأرض؟
حتى واحد ما عرف يجاوب. شوية و هو يهز واحد الكسول إيديه: "استاد، استاد، استاد
قال ليه جاوب
جاوب الكسول: الكوكب المراكشي
القرزاز مول الموطور
هادا واحد القرزاز سايق الموطور ديالو و هاز خنشة ديال الطحين. شوية تلفت موراه و هو يموت. بان ليه الخط البيض ديال الشانطي و هو يسحاب ليه واش الدقيق ديالو اللي كيتكفح ليه
كسول جاه كلاكاج
هادا واحد لكسول، غير هز صبعو و هو يشدو لكلاكاج
قرزازين بغاو يتصدقوا
هادو تلاتة زقرامين قرروا يتبرعوا بشوية من فلوسهم حيت كترات عليهم الهدرة
قال ليهم اللول: غادي نرسم واحد الدائرة و نلوح الفلوس من الفوق. الفلوس اللي طاحوا ف الداخل ديال الدائرة ديالي. و الفلوس اللي يطيحوا ف برا الدائرة غادي نتصدق بيهم
قال ليهم التاني: أنا غادي نرسم واحد الخط و نلوح الفلوس من الفوق. الفلوس اللي طاحوا على ليمن ديال الخط ديالي، و اللي طاحوا على ليسر ديال الخط نتصدق بيهم
ناض التالت قال ليهم: أنا غادي نلوح الفلوس من الفوق. اللي طاحوا ديالي و اللي بقى ف السما نتصدق بيه
ضفدعتعشر
واحد المعلم رسم للتلاميد ضفدعة و حداها 1 ف السبورة و قال ليهم يقراو ليه أشنو داكشي. شي قال (واحد ضفدعة). شي قال (ضفدعة واحدة) .ما خلاو ما قالوا حتى عياو و هو ينوض واحد الكسول و قال ليه: هاديك
ضفدعتعشر
الحرشة و البيتزا
هادا واحد مشى للبحر و دا معاه حرشة. جا واحد آخر جاب معاه بيتزا. منين ناض اللول يعوم، التاني تشهى هاديك الحرشة، ناض خداها و حط ليه البيتزا. منين رجع اللول شاف ف هادوك اللي جالسين حدا بلاصته و قال ليهم: شكون تقيى ليا على الحرشة؟
المسموم و تنظيم القاعدة
واحد المسموم جرى عليه بّاه من الدار. ناض كتب على باب دارهم: مقر تنظيم القاعدة
