*قاليك هدا واحد المكلخ كيسمع الدار بيضاء راه فيها الفلوس غير مشتين و كل الناس لاباس عليهم و هو يبيع دارو و البهايم و طلق مراتو و شاد الكار و جا الدار البيضاء غير وصل المحطة ونزل من الكار و هو يلقا 200 درهم طيحة و هو يدفعها برجليه و قال تفو على فال كيف داير شلا باش بديت
*قال ليك هادي واحد المرأة شارفة جأت من الحج , وهي تخرج في يوم الغد باش تفرق الشريحة و التمر على دراري صغار , المهم ركبات على حمارها و مشات وحد شوية و هو يدوز من حداها واحد القط و قال ليها صباح الخير الحاجة و هي تقفز و قالت هاويلي حتا من المشاش ولاو تيهضرو و هو يقول ليها حمارها هانتي تشوفي ألحاجة
*قال ليك هدا واحد سكران طلع الطوبيس و هو يقول السلام عليكم , و حتى واحد مجاوبو , وهو يمشي القدام حدا الشيفور و نعت بيديه وقال ليهم هاد الجهة اليمنى ديال الحمير و اليسرى ديال البغال , و هو ينقز واحد من جهة ديال الحمير و قال ليه خويا أنا راه ماشي حمار و هو يقول ليه السكيري يلاه دوز الجهة ديال البغال
هادا واحد مبوق جالس ف القهوة مع الدراري كيتفرجوا ف ماتش مباشر
الناس داخلين مع الماتش غوتو: دابا يتماركا البيت اللول، وفعلا تماركا
شوية ناضو تاني: دابا يتماركا البيت التاني، وشوية تماركا البيت
خينا اللي مبوق طلع ليه الدم وهي يقول ليهم: خوتي، اللي فايت ليه شاف الماتش يسكتنا الله يرحم بّاكم
قاليك هاذا واحد السيد جبد عقد الزواج ديالو و بدا كيحنزز فيه واحد شويا جات مراتو قالت ليه: مالك احبيبي من الصباح انت كتشوف في العقد ..
قال ليها كنقلب على تاريخ انتهاء الصلاحية
هادي واحد المرا بغات تركب طاكسي وهي تسول مولاه: بشحال أولدي كتدي لحي المقاومة؟
قال ليها: 15 درهم
قالت ليه: والسيكان؟
قال ليها: السيكان فابور
قالت ليه: إيوا هاك أولدي دي ليا هاد السيكان هاني غادي نلحق بيك على رجلي
وحد الشارفة طلعت في الكار قالت ليهم جلسوني... جلسوها . قالت ليهم وكلوني ....وكلوها . قالت ليهم تكيوني ...تكاوها . ناض واحد الشارف و قاليهم هبطوني ... قالوليه : علاش الحاج أش كاين ... قاليهم:خايف تزيد تقول زوجوني تلصقوها فيا
المرجو اضافة رد ولو كان بسيطا
