تبرع ليا مع راسك ...اضحك رمضان هدا
هدي واحد المرا غليضة مشات تشري ثوب
قالت لمول الحانوت اعطيني شي لون يجي معايا
وهو يعطيها الرمادي سولاتو علاش اختار ليها هداك اللون
قال ليها هدا هو اللون اللي اختاره ربي للفيل وجا معاه !!
واحد سول صاحبو باش سالات المضاربة البارح ديالك مع مراتك
جاوبو جات عندي راكعة على ركابيها و كالت ليا
..................................................................................
..................................................................................
خرج من تحت النموسية ألخواف
واحد الحشايشي لحيته طويله أول مرة دخل لمسجد ..
جاه واحد وسولو : يا سي لفقيه .. فاتتني جوج ركعات شنو ندير ؟
قال لحشايشي : شافك شي حد؟
قال : لا.... قالو : صافي ميّك
هادو شي رجال جالسين ف القهوة
ناض واحد قال ليهوم: اللي كيخاف من مرتو ينوض يجلس اللور
ناضوا كاملين إلا واحد. سولوه: نتا ما كاتخافش من مرتك؟
قال ليهوم: راه قالت لي سير للقهوة وما تحركش حتى نجي
واحد بخيل شك في مراتو...مشى شرا فردي و تخشى تحت الناموسية...
ملي دخل صاحب مراتو خرج ليه
ڭاليه أنا ماشريت هاد الفردي بعشرين ألف غير علاقبلك...
ڭاليه لاخر تبيعو بربعين ألف...ڭالليه توكلنا على الله
مكلخ عطاوه فالإنشاء دهبت انت و صديقك الى الغابة فواجهتكم بعض العراقيل
صف ما حدث هوا يكتب:
ذهبت انا وصديقي الى الغابة فواجهتنا بعض العراقيل فقتلنا عرقولة فهربت بقية العراقيل
قالك غني و فقير
الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب ....
الفقير يقولوا اعطيني كاس أتاي
شافوا الغني و حسدوا على المصباح السحري و بغى يديلوا المصباح
قالوا نعطيلك الفيلا و السيارة واعطيني المصباح
الفقير قبل بالمقايضة . مسح الغني ...المصباح وخرجلوا العفريت قالوا شبيك لبيك اطلب .......
قالوا بغيت فيلا على شاطئ البحر قالوا العفريت اسمحلي خويا كنسربي غير أتاي
واحد محشش قاعد قدام التلفزة و كيضحك
قاليه صاحبو مالك قاليه دبا هادي تلفزة
و ملين كنسد عيني كتولي راديو
محشش حل حانوت ا سمّاه : بقالة الأقمشة لحلاقة الأحذية الغذائية
واحدة كاطلب (متسولة) قال ليها واحد فرضنا ربحتي 100مليون اش غاديري بيها
فالت نبني جامع نطلب فيه وحدي
الفروج قال للدجاجة:
أشنو فايدة اللي كيبيض البيض للناس باش ياكلوه؟
قالت ليه الدجاجة:
إيوا بعدا حسن من اللي كيودن وما كيصليش
واحد ما كايجيهش النعاس بالليل.. عاودها لصاحبو هو يقول ليه كاينالحل !
شوف ملي تمشي للفراش غادي تحسب من واحد حتال 500 و راه غادي يجيك النعاس..
لغد ليه تلاقا معاه أ منضرا ؟ قال ليه : والو ماصدقاتش ديك اللعبة..
قال ليه أواه؟ عاود ليا كيفاش درتي؟
قال ليه كيما قلتي ليا بديت كانحسب غير كانوصل ل 100 كايجيني النعاس...؟
إيوا ؟
قال ليه صافي
كانوض نغسل وجهي بالماء و نرجع نكمل.
هدا واحد الاستاذ سول التلاميذ شنو هي النجمة بالفرنسية
واحد التلميذ عرفها ولكن هو حشومي قالها لصاحبو الكسول
ذاك الكسول قال للاستاذ ليطوال
الاستاذ تعجب او قاليه ركبها في جملة
جاوب الكسول : اللي طوال ارجعو اللور و اللي قصار ايزيدو لقدام
